24 жніўня ў Гродна,
у будынку Вышэйшай духоўнай семінарыі, пачаўся першы Кангрэс Каталіцкіх СМІ на якім
католікі-журналісты з Беларусі падзеляцца вопытам і супольна паразважаюць аб будучыні
каталіцкай камунікацыі. Удзельнікаў форума прывіталі Біскуп Гродзенскі Аляксандр Кашкевіч,
Мітрапаліт Мінска-Магілёўскі арцыбіскуп Тадэвуш Кандрусевіч, Апостальскі нунцый у
Беларусі арцыбіскуп Клаўдыё Гуджэроцці, прадстаўнікі Міністэрства інфармацыі. Акрамя
таго, з дапамога відэапасланняў, з прывітальным словам выступілі спецыялісты ў галіне
каталіцкай камунікацыі з Ватыкана: арцыбіскуп Клаўдыё Марыя Чэллі, старшныя Папскай
рады па сродках масавай камунікацыі і кс. Фэдэрыка Ламбардзі, дырэктар Ватыканскага
радыё і кіраўнік Залы Друку Апостальскай Сталіцы.
Вітаючы католікаў-журналістаў
з Беларусі арцыбіскуп Чэллі сказаў, што яны пакіканы быць сведкамі Езуса Хрыста, якога
прынялі ў сваё сэрца, у розных сферах – у тым ліку і ў галіне камунікацыі. Ён адзначыў
пазітыўнае значэнне інтэрнэту, які дае магчымасць асабіста дзяліцца з многімі сваёй
верай. Арцыбіскуп Чэллі падкрэсліў, што з вялікай сімпатыяй сочыць за тымі намаганнямі,
якія Касцёл у Беларусі робіць, каб пасланне Езуса гучала як мага гучней. “Касцёл можа
пераказаць усім, праз сваё сведчанне, праўду аб Богу і чалавеку”, - сказаў кіраўнік
Папскай рады.
Пасля ўступная часткі форума, журналісты выслухалі даклад выдатнага
польскага рэжысёра Кшыштафа Зануссі на тэму “Што каталіцкае, што хрысціянскае, а што
агульначалавечае? Католік у электронных медыя”. Сёння вечарам Кшыштаф Зануссі правядзе
майстар-клас аб тым, “Як сведчыць праўду ў аўдыёвізуальных СМІ”.
Форум будзе
працягвацца да нядзелі 26 жніўня. У яго рамках чакаюцца выступленні, круглыя сталы
і майстар-класы з удзелам спецыялістаў не толькі з Беларусі, але таксама Польшчы,
Расіі, Украіны і Латвіі.