Арцыбіскуп Тамазі: на Захадзе хрысціяне дыскрымінуюцца
23 жніўня перад удзельнікамі
форума “Сустрэча дзеля сяброўства паміж народамі”, які праходзіць у італьянскім Рыміні,
выступіў арцыбіскуп Сільвано Тамазі, пастаянны назіральнік Апостальскай Сталіцы пры
ААН і іншых міжнародных арганізацыях у Жэневе. Ватыканскі дыпламат нагадаў, што правы
веруючых людзей сёння абмяжоўваюцца ў многіх частках свету. Іерарх прывёў прыклад
узброеных нападаў на хрысціян у Нігерыі, прымушэнне вызнаўцаў Хрыста да эміграцыі
з Блізкага Усходу, дыскрымінацыі ў Індыі.
Арцыбіскуп Тамазі звярнуў увагу
таксама на тое, што хрысціяне церпяць пераслед не толькі ў тых рэгіёнах дзе з’яўляюцца
меншасцю, але нават у Еўропе. На яго думку, на Захадзе шырока распаўсюджана меркаванне,
паводле якога рэлігія з’яўляецца перашкодай для індывідуальнай свабоды чалавека.
“Краіны, якія намагаюцца знішчыць грамадскую ролю рэлігіі, парушаюць такім чынам правы
вернікаў”, - заявіў іерарх.
Паводле іерарха ў краінах Захаду, правы хрысціян
абмяжоўваюць не прадстаўнікі іншых рэлігійных груп, але само грамадства. Ён падкрэсліў,
што нажаль такая стратэгія дзейнічае паспяхова, і перашкаджае хрысціянскім каштоўнасцям
выконваць сваю ролю ў грамадскіх рашэннях.