Në kuadrin e Vitit të Fesë, që do të fillojë më 11 tetor, kryedioqeza e Miamit, në
SHBA-të, ka parashikuar një nismë për t’u dhënë mundësi të gjithë turistëve dhe personelit
të avionëve, që kalojnë në aeroportin ndërkombëtar të vendit të ëndërruar nga shumë
njerëz, anembanë botës, të marrin pjesë në meshë. Siç shkruhet në gazetën e Vatikanit
“L’Osservatore Romano”, në mëngjesin e çdo të shtune, në orën 7.00, besimtarët mund
të shkojnë në kapelë për të marrë pjesë në kremtimin e Eukaristisë. Në një letër,
kryeipeshkvi Thomas Gerard Venski vë në dukje se aeroporti, ku kalojnë miliona udhëtarë,
është si një qytet i madh. E ndihmon të bëhet bashkësi pikërisht prania e një kishe
dhe e meshtarëve. Kryeipeshkvi përmend fjalët e Papës Benedikti XVI për kapelanët
dhe veprimtarët e baritorisë së aviacionit civil më 11 qershorin e kaluar, audiencë,
në të cilën Ati i Shenjtë theksoi rëndësinë e kapelave në aeroporte dhe nevojën, që
kush kalon e ndalet në to, të trajtohet gjithnjë me mirësi e dashuri.