Սուրիոյ Կառավարական Զօրքերը Վերականգնած են Վերահսկողութիւնը Հալէպի Հայաշատ Թաղամասերու
Մէջ։
Հալէպի մէջ շրջանառուող լուրերուն համաձայն`(կը հաստատէ մէջ բնակող Tert.am-ի աղբիւրները
ու նաեւ Սուրիոյ պետական հեռուստաընկերութիւնը) միայն Ժտայտէ թաղամասի մէջ, շուրջ 400
զինեալ ոչնչացուած է: Կան բազմաթիւ ձերբակալուածներ: Այս պահուն կառավարական զօրքը
կը շրջի հայաշատ թաղամասերու մէջ եւ ի նշան ապստամբներու դէմ տարած յաղթանակի կրակահերթեր
կ’արձակէ:
Յիշեցնենք, որ Հալէպի մէջ կառավարական զօրքի եւ զինեալ ընդդիմութեան
միջեւ ընթացող բախումներու կիզակէտին յայտնուած էին հայաշատ Ժտայտէ, Սուլէյմանիէ, Միտան
թաղամասերը: Հալէպի Բերիոյ թեմի ազգային առաջնորդարանի մամուլի խօսնակ Ժիրայր Ռէյիսեան,
Tert.am-ի հետ զրոյցի մէջ, տեղեկացուցած էր, որ պատկերը հայկական թաղամասերու մէջ ճակատամարտային
չէ, բայց բախումներ կան: Ու այդ բախումներու հետեւանքով, ըստ նախնական տեղեկութիւններու,
հայ համայնքը մարդկային եւ նիւթական կորուստներ չէ կրած...: