Удзельнікі “Кола вучняў Ратцынгера” паразважаюць над экуменізмам
Бэнэдыкт ХVI прыме
ўдзел ў працы “Кола вучняў Ратцынгера”. Пасяджэнне гэтага аб’яднання былых вучняў
Пантыфіка адбудзецца 30 жніўня ў летняй рэзідэнцыі Папы ў Кастэль Гандольфа. Тэма
сёлетняй сустрэчы “Плады экуменізма і пытанні ў дыялогу з лютэранамі і англіканамі”.
Адпраўной кропкай да дыскусіі будзе кніга кардынала Вальтэра Каспера, былога старшыні
Папскай рады спрыяння хрысціянскаму адзінству: “Збор пладоў – асновы хрысціянскай
веры ў экуменічным дыялогу”, якая была апублікавана ў 2009 г.
Удзельнікі праслухаюць
і абмяркуюць даклады , між іншым, кардынала Курта Коха, цяперашняга старшыні Папскай
рады спрыяння хрысціянскаму адзінству і лютэранскага біскупа на пенсіі Ульрыха Вілцкэнса,
які з’яўляецца экспертам і перакладчыкам Новага Запавету. Акрамя таго, вялікае экуменічнае
значэнне маюць яго каментары да Евангелля паводле св. Яна і Паслання да Рымлянаў.
Рэгулярныя
сустрэчы з былымі вучнямі з Регенсбурга прафесара Ратцынгера зберагае ад самага пачатку
стварэння гэтага гуртка, нават калі быў абраны Папам. “Я вельмі ўдзячны за тое, што
Бэнэдыкт ХVI заўсёды верны сваім вучням. Кожнаму з іх праяўляе цікавасць і асабістую
павагу”, - сказаў Ганс-Ёахім Яшкэ, дапаможны біскуп Гамбурга.
У мінулыя гады
Бэнэдыкт XVI запрасіў сваіх студэнтаў задумацца аб канцэпцыі Бога ў ісламе, аб тэорыі
эвалюцыі, экуменізме і місіі, герменеўтыцы II Ватыканскага сабора, а ў мінулым годзе
- аб новай евангелізацыі.