Святая Зямля: унікальныя знаходкі эпохі караля Давіда
Іерусалімскі яўрэйскі
універсітэт заявіў аб новым унікальным навуковым адкрыцці. У выніку археалагічных
раскопак, якія праводзіліся ў юдэйскім горадзе-крэпасці Кхеберт Каяфа ў далліне Елах
быў знойдзены надзвычайны скарб: рэчы, якія праліваюць святло на тое, як праходзілі
рэлігійныя абрады ў гэтай мясцоваці ў часы ізраэльскага караля і прарока Давіда. Раскопкі
праводзіліся з 2007 г. групай археолагаў пад кіраўніцтвам Ёзэфа Гарфінкеля. Яны знайшлі
вялікую колькасць керамічнага посуду, аздобленага металамі і камянямі, які меў культавае
прызначэнне. Рэчы знаходзіліся ў дзвюх вялікіх залах, якія служылі ў якасці сакральных
месцаў, што бачна па элементах архітэктуры, і з’яўляюцца, на думку спецыялістаў,
толькі частках вялікага палацу. Знаходкі даволі дакладна адпавядаюць біблійным
апісанням адпраўлення рэлігійнага культу ў перыяд праўлення караля Давіда. Удакладняецца,
што знойдзеная святыня была пабудавана на 30-40 гадоў раней,чым храм Саламона. Навукоўцы
вызначылі таксама, што ў гэтым будынку тагачасныя жыхары рэгіёну адпраўлялі культ
інакш, чым суседнія народы. Як адзначае прафесар Гарфінкель, такім чынам абвергнуты
“ гіпотэзы, што кароль Давід толькі міфічны вобраз ці кіраўнік невялікага племя.”
Таксама прафесар дадае, што былі знойдзены тысячы костак разнастайных жывёлін, але
ніякага следу – свіней. “Гэта паказвае, што народ Кхеберт Хаяфа захоўваў дзве біблійныя
забароны: адносна свініны і разьбы па камяню для выяў людзей і жывёл, - значыць, практыкавалі
культ, які адрозніваўся ад хананейскага і філістымлянскага”. Па канструкцыі адкрытых
залаў можна меркаваць, лічаць вучоныя, аб высокім ўзроўні ўрбаністычнай забудовы,
існаванні дзяржавы і сацыяльнай эліты. Такім чынам, з’явіўся матэрыяльны доказ біблійнай
традыцыі народу Ізраэля як монатэістычнага.