Нігерыйскі іерарх заклікаў СМІ адзінагалосна асудзіць насілле
Арцыбіскуп нігерыйскага
Лагаса Альфрэд Марцінс заклікаў ўлады краіны да дыялогу з радыкальнай ісламскай сектай
“Бако Харам”, якая абвясціла вайну мясцовай хрысціянскай супольнасці і здзейсніла
шэраг тэрактаў каля каталіцкіх касцёлаў. Іерарх выступіў са спецыяльным паведамленнем
перад журналістамі ў сувязі з новымі нападамі на святыні, якія адбыліся некалькі дзён
таму. “Вайна, у гісторыі чалавецтва, ніколі не прыносіла трывалага міру”, - адзначыў
іерарх. Ён падкрэсліў, што “іслам з’яўляецца рэлігіяй міру” і тыя, хто здзяйсняе тэрарыстычныя
акты “не з’яўляюцца сапраўднымі мусульманамі, а хутчэй тэрарыстамі, якія імкнуцца
да дэстабілізацыі краіны”.
Арцыбіскуп заклікаў ўлады “дзейнічаць тэрмінова
і з рашучасцю супраць такога роду праяўлення агрэсіі”, але не адмаўляцца ад перамоваў,
бо “заўсёды лепш, калі бакі канфлікта разам сядуць за стол і прадставяць свае прэтэнзіі
ў форме канструктыўнага дыялогу”.
Іерарх звярнуўся да мясцовай прэсы, каб
у адзін голас асудзіць насілле і паказаць насельніцтву правільны шлях якім трэба ісці.
“СМІ – гэта агенты перамен якія могуць мабілізаваць, умацаваць і спрыяць пазітыўным
каштоўнасцям у грамадстве”, - сказаў арцыбіскуп. Іерарх заклікаў вернікаў працягваць
маліцца Богу, які можа прынесці сапраўдны мір і гармонію патрэбныя краіне”.