Գերմանիոյ Միւնիխ Քաղաքին Մէջ Տեղի Ունեցաւ Եւրոպայի Գաղտէացի Երիտասարդներու Առաջին
Հաւաքը։
Գերմանիոյ Միւնիխ քաղաքին մէջ, 10-12 օգոստոս, տեղի ունեցաւ Եւրոպայի գաղտէացի երիտասարդներու
առաջին հաւաքը։ Եւրոպայի զանազան քաղաքներէն եկած գաղտէացի երիտասարդներու հանդիպումին
նպատակն է ընդառաջել Պենետիկտոս ԺԶ Քահանայապետի հրաւէրին հաւատքի տարւոյն համար ( 2012-2013)։
Անոնք միասնաբար աղօթեցին ու խորհրդածեցին Արեւելեան Եկեղեցւոյ նոր աւետարանութեան հոգեւորութեան
համար։ Յայտնենք որ Գաղտիոյ եկեղեցին Իրաքի պատերազմի տարիներուն բազմաթիւ խոստովանողներ
ու նահատակներ տուաւ։ Կարտինալ Սանտրի` կառավարիչը հաւատոյ ժողովին, երիտասարդներուն
ուղղած պատգամին մէջ կը գրէ. ''Աստուած ամէն ինչի կարող է եւ ամէն բանի կը յաղթէ''։ Միւնիխ
համախմբուած գաղտեացի երիտասարդները պէտք է աշխատին հաւատարիմ մնալու Քրիստոսի ու Եկեղեցւոյ։
Ձեր եկեղեցին դարերու հոլովոյթին միշտ արիութեամբ խոստովանած ու հաւատարիմ մնացած է
Քրիստոսին, սպասելով գարնան նոր եղանակին, որուն դուք պիտի դառնաք ռահվիռաները՝ Քրիստոսի
անունը քարոզելու բոլոր ազգերուն։