28 жніўня лідэры розных
хрысціянскіх канфесій збяруцца на Галапагоскіх астравах з нагоды прэзентацыі экалагічнай
Бібліі. Міжнародная ініцыятыва жадае заклікаць сучаснага чалавека , якому Бог даручыў
стварэнне, да адказнасці за яго. Ініцыятарам выступіў Саюз Біблійных Таварыстваў,
які аб’ядноўвае 145 арганізацый у 200 краінах. Кніга выйшла на іспанскай. Мэта Саюзу
– перакласці яе на як мага большую колькасць моў.
Эка-Біблія звяртае ўвагу
сучаснага чалавека, у перыяд глабальнага пацяплення, паглядзець на свет і навакольнае
асяроддзе праз прызму навучання, якое змешчана ў Святым Пісанні. Кніга надрукавана
расліннымі фарбамі на паперы, перапрацаванай з макулатуры. Як паведамляюць стваральнікі,
усе наступныя выданні таксама будуць захоўваць прынцып “не пашкодзь прыродзе”.
Але
галоўнае ў Эка-Бібліі – змест – яна складаецца з цытат Святога Пісання аб важнасці
стварэння і адказнасці за яго перад Богам. І месца яе прэзентацыі выбрана не выпадкова
– Галапагоскія астравы, дзе Дарвін, вывучаючы прыроду, стварыў сваю тэорыю эвалюцыі.
Тут дагэтуль існуе амаль некранутая цывілізацыяй экасістэма. Астравы належаць Эквадору,
да якога адсюль амаль 1000 км.
Сустрэча працягнецца да 1 верасня – дня, які
адзначаецца многімі хрысціянамі як Дзень стварэння.