Հայաստանի Օփերային Երգչուհի Լիլիթ Սողոմոնեանի Մենահամերգը
Լիբանանի մէջ Հ Հ դեսպանատան գործակցութեամբ' Հայաստանի օփերային երգչուհի Լիլիթ Սողոմոնեան Կիրակի, 12 օգոստոսին մենահամերգով ելոյթ ունեցաւ «Ռիքիզ էնտ Ըրպընարթ» ճաշարանային համալիրի բացօթեայ սրահին մէջ։ Լիբանանցի եւ օտարերկրացի հանդիսատեսներու ներկայութեամբ աւելի քան մէկ ժամ տեւած համերգի ընթացքին երգչուհիին կողմէ հնչեց Քարմենի արիան` Պիզէի «Քարմեն» օփերայէն, Նորմայի արիան` Պելինիի «Նորմա» օփերայէն, Լիսնորայի արիան` Վերտիի «ճակատագիրի ուժը» օփերայէն, Լաուրեթայի արիան` Փուչինիի «Ճիաննի Սքիքի» օփերայէն: Մենահամերգին ընթացքին հնչեցին նաեւ նափոլիական, սպանական եւ հայկական երգեր:
| All the contents on this site are copyrighted ©. |