Бэнэдыкт XVI: “Каталіцкая акцыя” – гэта “школа святасці”
Папа Бэнэдыкт XVI
накіраваў пасланне ўдзельнікам 27-й Федэральнай асамблеі руху “Каталіцкая акцыя” у
Аргенціне. Пантыфік заклікаў іх шчодра дзяліцца сваёй верай і падкрэсліў, што іх арганізацыя
з’яўляецца “школай святасці”. “Вашы групы – гэта школа, у якой вы навучаецеся з поўнай
адданасцю справе Божага Валадарства і глыбока евангельскаму ладу жыцця”, - напісаў
Папа. На думку Святога Айца, сёння “Каталіцкая акцыя” можа дапамагчы ў стварэнні культуры
гуманітарнай, станоўчай, адказнай – здольнай служыць краіне. Бэнэдыкт XVI назваў нараду
– святам веры, паклікання і місіі. “Будзьце шчодрымі, прыязнымі, клапатлівымі і, перш
за ўсё, будзьце сведкамі прыгажосці веры”, - напісаў ён. “Каталіцкая акцыя” Аргенціны
налічвае сёння каля 30 тыс. членаў, якія належаць да 800 парафій. Арганізатары Федэральнай
асамблеі паведамілі, што мерапрыемства пройдзе з 18 па 20 жніўня ў Лухан і збярэ 7
тыс. удзельнікаў з усёй Аргенціны і іншых краін Лацінскай Амерыкі. Сход, на іх думку,
дапаможа абмену досведам евангелізацыі і вызначэнню напрамкаў дзейнасці на наступны
трохгадовы перыяд. На асамблеі будуць прысутнічаць прадстаўнікі епіскапату краіны.