Міланская дыяцэзія
перадала Праваслаўнай Царкве Канстантынопальскага Патрыярхату адзін з самых старажытных
храмаў горада – касцёл Санта Марыя Падонэ, пабудаваны ў 871 г. Пасля ён неаднаразова
перабудоўваўся, але там захаваліся фрэскі XIV ст. У 2004 г. будынак быў адрэстаўраваны.
Праваслыўныя прынялі рашэнне нанава асвяціць храм. Першая Боская літургія ў ім будзе
здзейснена 14 кастрычніка. Праваслаўная грэцкая супольнасць у Мілане ўзнікла ў 20-х
гадах ХХ ст., цяпер яна налічвае 800 сем’яў. Да нядаўняга моманту яны маліліся на
першым паверсе аднаго з будынкаў, не маючы сапраўднага храму.
Гэта не першы
выпадак, калі Каталіцкі Касцёл перадае свае храмы для карыстання праваслаўным. Так,
напрыклад, у 2007 г. ключы ад аднаго з касцёлаў Неапальскай дыяцэзіі перадаў тады
яшчэ кіраўніку Аддзела знешніх царкоўных сувязяў Мітрапаліту Кірылу яе пастыр, кардынал
Крэшчэнца Сэпэ.