“Kemi lënë çdo gjë, nuk na mungon asgjë”: kështu motër Lula Ahmataj, klarise, në mikrofonin tonë

Edhe klariset shqiptare presin me lutje Jubileun e nesërm. Në kuvendin e tyre në Shkodër, një pjesë e të cilit (ish-seli e Sigurimit të Shtetit në kohën e komunizmit) është kthyer në Muze, ato janë tërhequr dje në Ushtrimet Shpirtërore e sot, ndërsa trokitëm – telefonikisht – në derën e tyre, japin dëshminë për kuptimin, që merr jeta, në ndjekje të Shën Kiarës së Asizit. Folëm me motër Lula Ahmatajn, eprore e bashkësisë, e cila na tregon se ç’do të thotë të jesh sot klarise, murgeshë klauzure…