തദ്ദേശ ജനതയെ ശാക്തീകരിക്കാന്‍
യുഎന്‍ തദ്ദേശ ജനതാ ദിനം
9 ആഗസ്റ്റ് 2012, ന്യൂയോര്ക്ക്തദ്ദേശ ജനതയെ ശാക്തീകരിക്കാന്‍ ആധുനിക മാധ്യമങ്ങള്‍ ഉപയോഗപ്പെടുത്തണമെന്ന്, ഐക്യ രാഷ്ട്ര സംഘടനയുടെ സെക്രട്ടറി ജനറല്‍, ബാന്‍ കി മൂണ്‍ ആഹ്വാനംചെയ്തു. ആഗസ്റ്റ് 9-ാം തിയതി ഐക്യ രാഷ്ട്ര സംഘട ആചരിച്ച ‘തദ്ദേശ ജനതകളുടെ ദിന’ത്തോട് അനുബന്ധിച്ചു നല്കിയ സന്ദേശത്തിലാണ് ബാന്‍ കി മൂണ്‍ ഇപ്രകാരം ആഹ്വാനംചെയ്തത്.
‘തദ്ദേശ ജനതകളെ ശാക്തീകരിക്കുവാന്‍ ആധുനിക മാധ്യമങ്ങള്‍,’ എന്ന പ്രമേയവുമായിട്ടാണ് ഈ വര്‍ഷം ഐക്യ രാഷ്ട്ര സംഘടനയുടെ മനുഷ്യാവകാശ കമ്മിഷന്‍ ഈ ദിനം ആചരിച്ചത്.
ആധുനിക വിവരസാങ്കേതികതയും മാധ്യമ സംവിധാനങ്ങളും ഉപയോഗിച്ച് തദ്ദേശ ജനതകളുടെ തനിമയാര്‍ന്ന ജീവിതരീതിയും ശൈലിയും സംസ്ക്കാരവും ആത്മീയതയും സംരക്ഷിക്കപ്പെടുകയാണ് ഈ ദിനാചരണത്തിന്‍റെ ലക്ഷൃമെന്ന് മൂണ്‍ വിശദീകരിച്ചു.
പ്രാദേശിക റേഡിയോ ടെലിവിഷന്‍ ചാനലുകള്‍, ഡോക്യുമെന്‍ററികള്‍,
നാടകം തെരുനാടകം ബലേ എന്നീ ജനകീയ കലാരൂപങ്ങള്‍ ഉപയോഗിച്ചും
ഒരു ജനത്തിന്‍റെയും ജീവിത മേഖലകളുടെയും തനിമയും മൂല്യങ്ങളും നിലനിര്‍ത്തേണ്ടതും സംരക്ഷിക്കപ്പെടേണ്ടതുമാണെന്ന് ഈ ദിനം അനുസ്മരിപ്പിക്കുന്നതായി മൂണ്‍ പ്രസ്താവിച്ചു.
ആഗോളവത്ക്കരണത്തിന്‍റെ കുത്തൊഴുക്കില്‍ തദ്ദേശ ജനതകളുടെ തനിമയാര്‍ന്ന സംസ്ക്കാരിക മൂല്യങ്ങളുടെയും ഭാഷ, കലാരൂപങ്ങള്‍, നൃത്തം, സംഗീതം, ചികിത്സാ സമ്പദായങ്ങള്‍, ആത്മീയത എന്നിവ കെട്ടുപോകരുതെന്നും ബാന്‍ കി മൂണ്‍ സന്ദേശത്തിലൂടെ ലോകരാഷ്ട്രങ്ങളോട് അഭ്യര്‍ത്ഥിച്ചു.
| All the contents on this site are copyrighted ©. |