Іерусалімскі біблійны
заапарк (“Jerusalem Biblical Zoo”) пачаў рэалізацыю новага праекта, мэта якога заключаецца
ў тым, каб пазнаёміць наведвальнікаў з марскімі стварэннямі, якіх мог бачыць народ
Ізраэля, калі ўцякаючы ад егіпецкага фараона, прайшоў праз Чырвонае мора. Паводле
задумкі кіраўніцтва заапарка, на яго тэрыторыі будзе пабудаваны вялікі акварыум напоўнены
2 млн. кубаметраў вады. Унутры яго будзе створаны празрысты тунэль, праз які можна
будзе хадзіць і назіраць за рыбамі і іншымі марскімі стварэннямі. Паводле мэра Іерусаліма
Ніра Барката, акварыум будзе адкрыты для наведвальнікаў у 2015 г. Іерусалімскі
біблійны заапарк з’яўляецца вельмі папулярным і любімым месцам для жыхароў Святой
Зямлі. Яго наведваюць каля 750 тыс. чалавек у год. Заапарк быў створаны ў 1940 г.
з мэтай сабраць у ім усіх жывёл які узгадваюцца на старонках Святога Пісання. Сёння
на яго тэрыторыі, пражывае каля 2200 жывёлаў 270 відаў. Многія з іх трымаюцца ва ўмовах
набліжаных да натуральных дзякуючы створаным саванам, лясам, садам, астравам і азёрам.
Аб біблійным характары заапарка нагаваюць некаторыя дэкарацыі, напрыклад скультуры
біблійных персанажаў, макет Ноева каўчэга і гара Маісея.