Змены ў касцёльных структурах на Аравійскім паўвостраве
Апостальскі вікарыят
“Аравія Поўнач” пераносіць сваю сядзібу з Кувейта ў Бахрэйн. Аб гэтым паведаміў Апостальскі
вікарый гэтай душпастрыскай тэрыторыі арцыбіскуп Каміло Балін. Іерарх расказаў, што
заснаваны ў 1888 г. Вікарыят Аравіі яшчэ у 2011 г. быў падзелены на дзве часткі: першы
ахопліваў паўднёвыя тэрыторыі рэгіёна, а другі паўночныя. У яго паўночную частку ўваходзяць
такія краіны як Кувейт, Бахрэйн, Катар і Саўдаўская Аравія, а ў паўднёвую: Аб’яднаныя
Арабскія Эміраты, Аман і Емен. Мэта пераносу цэнтральнай сядзібы вікарыята ў Бахрэйн,
звязана з яго больш зручным геаграфічным палажэннем. Паводле арцыбіскупа Баліна, Бахрэйн
знаходзіцца ў цэнтры душпастрыскай тэрыторыі і адсюль лягчэй дабірацца да іншых краін.
Іншай прычынай з’яўляецца большая адкрытасць Бахрэйна на візіты каталіцкіх святароў,
катэхетаў і хрысціянскіх лідэраў. Іерарх адзначыў, што ў плане адкрытасці, Бахрэйн
можа быць прыкладам для усіх іншых краін рэгіёна.
Арцыбіскуп Балін расказаў,
што на тэрыторыі вікарыята “Аравія Поўнач” пражывае каля 2 млн. хрысціян, асноўную
масу якіх складаюць эмігранты з Філіпін, Індыі, Бангладэша і Шры-ланкі. Акрамя таго,
тут прадстаўлены вернікі розных хрысціянскіх абарадаў. Іерарх адзначыў, што ў катэдральным
касцёле Кувейта набажэнствы адбываліся ў 5 розных абрадах і на 12 мовах.