Кс. Томаш Халік, вядомы
чэшскі тэолаг і псіхолаг, крытыкуе сённяшнюю ідэалогію за тое, што выключыла катэгорыю
граху з грамадскай дыскусіі і “дзяржаўнай мовы”, напрыклад у выпадку карупцыйных скандалаў.
“Грэх стаў нечым смешным”, - заключыў кс. Халік у інтэрв’ю, азагалоўленаму “Хрыстус
і свет”, уплывоваму нямецкаму штотыднёвіку “Die Zeit”. “Многія людзі кажуць: “Я здзяйсняў
памылкі, але гэта не злачынства”. Яны не разумеюць, што не ўсё, што не з’яўляецца
каральным – маральна добрае”, - лічыць святар.
На гэтым фоне кс. Халік заклікае
на “рэнесансу споведзі”. Сакрамэнт пакаяння з’яўляецца добрым спосабам барацьбы з
грахом і віной. Гэта не проста нейкая размова, але перш за ўсё працэс роздуму над
жыццём, нагадаў каталіцкі святар, які выкладае сацыялогію ў Карлавым універсітэце
Прагі. “Трэба назваць рэчы сваімі імёнамі”, - перакананы ён.
Халік з’яўляецца
самым вядомых каталіцкім інтэлектуалам з краін Цэнтральнай і Усходняй Еўропы. Ён быў
даверанай асобай былога прэзідэнта Чэхіі Вацлава Гаўла, а таксама былога арцыбіскупа
Пражскага Францішка Тамашака. Яго апошняя кніга, “Начныя роздумы аднаго спаведніка.
Вера ва ўмовах нявызначанасці”, атрымала вялікую папулярнасць у Заходняй Еўропе.