Навернуты на каталіцтва англійскі генерал аб тэорыі “справядлівай вайны”
Адзін з пяці найбольш
вядомых брытанскіх генералаў, якія былі ўдастоены звання фельдмаршала, сцвярджае,
што “катаванні – рэч няправільная, і яны не павінны дазваляцца, а людзей, якія катуюць,
варта арыштоўваць і прымяняць да іх усю сілу закона”. Чарльз Рональд Левэлін Гутры,
барон Крейджыбэнк, нованавернуты католік і аўтар кнігі па тэорыі “справядлівай вайны”,
сказаў у інтэрв’ю інфармацыйнаму агенцтву “Zenit”, што “вайна – гэта жахлівая , згубная
рэч, але часам ёсць рэчы, горшыя за яе – напрыклад, генацыд, абсалютна не маючае апраўдання
забойства нявінных жанчын і дзяцей”.
Гутры мяркуе, што планаваныя сёння ЗША
і краінамі Захаду ваенныя дзеянні супраць Ірана былі б “абсалютна няправільнымі”.
Такога ж меркавання маршал прытрымліваецца адносна ваенных дзеянняў супраць сірыйскага
рэжыму. У той жа час пачатковую стадыю ваенных дзеянняў у Афганістане пасля тэракту
9/11 Гутры лічыць “маральна апраўданай” і “правільнай”. Аднак, брытанскі ваенны мяркуе,
што брытанскія войскі павінны былі быць выведзены з Афганістана нашмат раней, чым
гэта адбылося.