Аўстрыйскі фізік пра месца Бога ў навуковых даследаваннях
Аўстрыйскі квантавы
фізік, лічыць, што нават законы прыроды самі па сабе не вытлумачальныя, а пытанне
пра Бога ўзнікае ў кожнага, як у людзей далёкіх ад навукі, так і вялікіх навукоўцаў.
Венскі фізік Антон Цайлінгер, лічыць, што сапраўдны навуковец у сваіх даследаваннях
прыходзіць у пункт, дзе сустракае Бога. “Бога ніхто не можа схаваць”, - заявіў ён
у інтэрв’ю часопісу “Profil”, - “гэта пытанне веры, а не навукі”. Людзі, якія кажуць,
што можна пазнаць Бога, памыляюцца, Калі б было так, “гэта быў бы канец рэлігіі”,
прызнаўся 67-гадовы кіраўнік Венскага інстытута эксперыментальнай фізікі. “Тады належаць
да Касцёла азначала б не шукаць веру, але весці падлік”, - лічыць ён.
Сусветна
вядомы фізік пытаецца, “дзе ў навуковых даследаваннях ёсць месца для ролі Бога?”,
і адказвае: “Там, дзе ёсць штосьці невытлумачальнае, перш за ўсё з дапамогай законаў
прыроды, напрыклад гравітацыя”. “Чаму існуюць законы прыроды ніхто не ведае, яны проста
ёсць”, - заключае фізік. Вось гэта “прастора, якую я магу даць Богу, калі я вернік,
таму што Ён не знаходзіцца ў супярэчнасці з навукай”.
Антон Цайлінгер вядомы
сваімі піянерскімі працамі ў галіне квантавай інфармацыі. Ён упершыню ў свеце ажыццявіў
квантавую тэлепартацыю з выкарыстаннем фатонаў. Лаўрэат прэміі Вольфа па фізіцы 2010
года.