Հալէպի Մխիթարեան վարժարանի ամավերջի հանդէսին, իրենց մասնակցութիւնը բերին Ա.-Թ. կարգերու
աշակերտները: Յայտագիրը կը բովանդակէր հայերէն եւ արաբերէն լեզուներով արտասանութիւններ,
ինչպէս նաեւ՝ նուագ եւ պարեր: Ներկայացուեցաւ նաեւ Մխիթար Սեբաստացի աբբահօր կենսագրութիւնը: Խօսք
առաւ նաեւ Արիստակէս Ծ. վրդ. Մանուկեան, որ շեշտը դրաւ այն իրականութեան վրայ, որ բոլոր
աշակերտները իրաւունք ունին բեմ բարձրանալու՝ ի մտի ունենալով այն իրականութիւնը, թէ
դպրոցական հանդէսը առաջին բեմական փորձառութիւնն է տաղանդաւոր աշակերտներու համար: Ապա
շնորհաւորեց եւ օրհնեց շրջանաւարտները՝ մաղթելով բարի երթ անոնց կեանքին մէջ: Ան շեշտեց
կարեւորութիւնը հաւատքի անհրաժեշտութեան, աշխատասիրութեան, ծառայասիրութեան եւ ամէնէն
կարեւորը՝ հայրենասիրութեան խոր գիտակցութեան: