Հնդկաստանի Եպիսկոպոսները Կը Հրաւիրեն Կաթողիկէ Երիտասարդները Ազգային Հոգեւոր Կրթութեան։
Պենետիկտոս ԺԶ Սրբազան Քահանայապետի կողմէ հռչակուած <<Հաւատոյ Տարւոյն>> առթիւ Հնդկաստանի
Եպիսկոպոսները հրաւէր մը ուղղած են երկրին երիտասարդութեան` երիտասարդական ընդհանուր
հոգեւոր կրթութեան մը մասնակցելու ու միասնաբար նշելու Հաւատոյ Տարուայ բացումը։ Յայտնենք
որ հաւատոյ տարին սկիզբ կ՛առնէ յառաջիկայ 21 հոկտեմբերին Վատիկանեան Տիեզերական Բ ժողովի
50րդ տարեդարձի եւ Կաթողիկէ եկեղեցւոյ քրիտոնէականի հրատարակաման 20րդ տարեդարձի առթիւ։
Վերոյիշեալ Երիտասարդական հոգեւոր կրթութիւնը, կազմակերպուած` Հնդկաստանի եպիսկոպոսական
համահաւաք դասի երիտասարդներու հովութեան գրասենեակի կողմէ, տեղի պիտի ունենայ Տելհիի
Թեմին մէջ 21 - 24 հոկտեմբեր։ Սոյն հաւաքին կը սպասուին 15 - 30 տարեկան, երկրի
զանազան թեմերէն, աւելի քան 4 հազար երիտասարդներ։