Ոչ Եւս Է ՀՀ Ժողովրդական Արուեստագէտուհի Կալիա Նովենց ։
22յուլիսին, 75 տարեկանին ծանր հիւանդութենէն ետք վախճանած է հայ թատրոնի եւ շարժանկարի
նշանաւոր վարպետ, Հայաստանի Հանրապետութեան ժողովրդական արտիստ, ՀԽՍՀ պետական մրցանակի
դափնեկիր, միջազգային շարժանկարի փառատօներու մրցանակակիր Կալիա Նովենցը։ Երկար տարիներ
ան աշխատած է Սունդուկեանի անուան ակադեմիական, Գիւմրիի Վարդան Աճէմեանի անուան, Երեւանի
Հրաչեայ Ղափլանեանի անուան, Սօս Սարգսեանի գլխաւորած «Համազգային» թատրոններուն մէջ:Կեանքի վերջին տարիներուն ան Պարոնեանի անուան երաժշտական երգիծական թատրոնի դերասանուհի էր: Կալիա Նովենց հայկական շարժանկար բերաւ հայ կնոջ կերպարը, անոր տառապանքներն ու լուռ հեծեծանքները, հոգիի իւրատեսակ պոռթկումները դարձուց իր ստեղծագործութեան հիմքն ու ակունքը:
Զինք համեմատած են համաշխարհային շարժանկարի իտալացի հռչակաւոր անհատականութիւն Աննա Մանիանի-ի հետ, նկատելով զինք բոլոր ժամանակներու հայ եւ խորհրդային շարժանկարի ամենանշանաւոր եւ ամենատաղանդաւոր վարպետներէն մէկը:
| All the contents on this site are copyrighted ©. |