Папа Пій Х і Алімпійскія гульні – першае супрацоўніцтва са светам спорту
Лічыцца, што бл. Ян
Павел ІІ быў першым “спартыўным” Пантыфікам, але малавядомым фактам з’яўляецца тое,
што яшчэ ў канцы ХІХ ст., сувязі са светам спорта і Алімпійскімі гульнямі ўстанавіў
яго папярэднік св. Пій Х. Менавіта гэты Папа падтрымаў шляхетную ініцыятыву французскага
грамадскага дзеяча барона Піера Дэ Кубертэна па адраджэнні старажытнага спартыўнага
спаборніцтва ў 1894 г. Мэтай французскага барона было не столькі правядзенне вялікага
мерапрыемства, але выкарыстанне яго ў якасці сусветнай педагагічнай прылады, з дапамогай
якой можна было зрабіць свет лепшым і больш мірным. Гэта мэта падцвярджана таксама
ў спецыяльнай хартыі Алімпійскіх гульняў. Спорт, калі становіцца носьбітам каштоўнасцяў,
якія спрыяюць правам чалавека, братэрству, павазе да правілаў, разуменню, радаснай
і чэснай сустрэчы, прапануе такую мадэль паводзінаў, якая ад аднаго чалавека перадаецца
на ўвесь свет. У ХІХ ст. ініцыятыва барона Кубертэна была па сапраўднаму рэвалюцыйнай,
бо спортам у тагачасным свеце займалася каля 1% насельніцтва, а сёння ён стаў сапраўдным
масавым феноменам.
Гэту шляхетную мэту, якую можна рэалізаваць з дапамогай
спорту вельмі актыўна падтрымаў папа Пій Х. Ва ўспамінах Кубертэна, якія былі нядаўна
адкрыты навукоўцамі, узгадваецца аб тым, што французскі дзеяч прыязджаў у Італію у
лютым 1905 г., з мэтай арганізацыі Алімпійскіх гульняў у Рыме ў 1908 г. Перамовы з
прадстаўнікамі італьянскага ўраду, аднак, не закончыліся поспехам, а вось Пій Х быў
адкрытым прыхільнікам такой ідэі. Кубертэн узгадваў, што Пантыфік, праз свайго Дзяржсакратара,
кардынала Мэры дэль Валя, выразіў сваё станоўчае стаўленне да спорту і прасіў дапамагчы
з прыняццем у рымскія араторыі, а таксама ў каталіцкія ўстановы для моладзі ва ўсім
свеце спецыялістаў па фізкультуры. Гэты ліст Пантыфіка да сённяшняга дня захоўваецца
ў Ватыканскім архіве. Акрамя таго 8 кастрычніка 1905 г. падчас прамовы да моладзі
Пій Х выказаў благаславіў тых, хто займаецца “гімнастыкай, яздой на веласіпедзе, альпінізмам,
веславаннем і іншымі відамі спорту і падкрэсліў, што яны станоўча “ўплываюць на стан
душы чалавека”. Такім чынам менавіта св. Пій Х устанавіў першыя адносіны паміж Каталіцкім
Касцёлам і светам спорту, які ў тыя часы быў яшчэ вельмі непапулярным, што сведчыць
аб яго прадбачлівасці і ўвазе да сучаснасці.