ՀՀ-ի եւ Ֆրանսայի ԱԳ Նախարարներու Հանդիպումը՝Փարիզ։
ՀՀ արտաքին գործոց նախարար Էդուարդ Նալպանտեան Յուլիս 24-ին Փարիզի մէջ հանդիպում ունեցած
է Ֆրանսայի ԱԳ նախարար Լորան Ֆապիուսի հետ: Հանդիպման ներկայ եղած է նաեւ արտերկրի մէջ
ֆրանսացիներու հարցերով նախարար Էլեն Գոնուա-Մուրեթը: Ողջունելով Հայաստանի արտաքին
գործոց նախարարը` Ֆրանսայի արտաքին քաղաքական գերատեսչութեան ղեկավարը ըսած է, որ այս
հանդիպումը լաւ առիթ է ամփոփելու երկկողմ յարաբերութիւններու ձեռքբերումները եւ նոր ազդակ
հաղորդելու հայ-ֆրանսական համագործակցութեան:
Շնորհակալութիւն յայտնելով ջերմ
ընդունելութեան համար` Էդուարդ Նալպանտեան նշած է, որ Ֆրանսան եւ Հայաստանը ունին առանձնաշնորհեալ
յարաբերութիւններ, որոնք խարսխուած են աւանդական բարեկամութեան վրայ: էդուարդ
Նալպանտեան եւ Լորան Ֆապիուս մտքեր փոխանակած են միջազգային կազմակերպութիւններու մէջ
հայ-ֆրանսական համագործակցութեան շուրջ: Նախարարները քննարկած են Հայաստան-Եւրոպական
Միութիւն յարաբերութիւնները եւ այդ շրջանակներուն մէջ իրականացուող ծրագրերը: Այս Բանակցութիւններու
օրակարգին էր Արցախեան հիմնախնդրի կարգաւորման գործընթացը: էդուարդ Նալպանտեան Լորան
Ֆապիուսը հրաւիրած է այցելելու Հայաստան: