Польшча: Міжнародны кангрэс па новай евангелізацыі
Больш за 1000 чалавек
прыме ўдзел у Міжнародным кангрэсе па новай евангелізацыі, які адбудзецца ў польскім
горадзе Костшын на мяжы з Германіяй. У працах форуму, якія пройдзе 28 ліпеня, прыме
ўдзел старшыня Папскай рады па новай евангелізацыі арцыбіскуп Рына Фізікела. Польскія
іерархі і шматлікія госці з усяго свету будуць прадстаўляць біскупскія канферэнцыі
і міжнародныя каталіцкія рухі і асацыяцыі, якія працуюць у напрамку новай евангелізацыяй.
Гаспадыры сустрэчы прадэманструюць сённяшні стан евангелізацыі ў Польшчы, аналізуючы
апошнія статыстычныя дадзеныя.
Розныя душпастырскія ініцыятывы і праекты, якія
спрыяюць новай евангелізацыі, у тым ліку летнія пілігрымкі, будуць у цэнтры ўвагі
ўдзельнікаў кангрэса. Кардынал Станіслаў Дзівіш, Мітрапаліт Кракаўскі, лічыць, што
менавіта пілігрымкі з’яўляюцца адказам на заклік папы Яна Паўла ІІ, які запрашаў кожнага
ўдзельнічаць у справе новай евангелізацыі. “Праз сваю веру мужчыны і жанчыны кожнага
ўзросту, імёны якіх упісаны ў Кнігу жыцця, заявілі аб прыгажосці следавання за Езусам
туды, дзе мы пакліканы даваць хрысціянскае сведчанне”, - сказаў іерарх, каментуючы
маштабы сёлетняй кракаўскай пілігрымкі ў Чэнстахову, у якой прынялі ўдзел каля 10
тыс. чалавек.
Апрача таго, на кангрэсе ў Костшыне адбудзецца аналіз і абмен
вопытам па шэрагу ініцыятыў як міжнароднага, так і мясцовага характару.