“Udhë feje”: nismë ekumenike për Lojërat Olimpike të Londrës
Ekumenizmi do të jetë një nga karakteristikat e impenjimit të Kishës në Lojërat Olimpike
të Londrës. Dioqeza anglikane e kryeqytetit britanik ka përfshirë edhe tri kisha katolike
në doracakun “Udhë feje”, me të cilin i informon sportdashësit e turistët për vendet
e ndryshme të kultit. Kjo nismë, lexohet në një notë, “pasqyron konkretisht frymën
ekumenike ekzistuese ndërmjet anglikanëve dhe katolikëve në Londër dhe është rezultat
i punës së shoqatës ekumenike “More than gold” (Më shumë se ar), e cila prej tri vjetësh
po përgatitet për Lojërat Olimpike”. Në doracak paraqiten 40 vende kulti, të lidhura
me njërën nga gjashtë selitë olimpike në Londër, përmes rrugëve, që mund të përshkohen
në këmbë.