Папская рада пастырства
эмігрантаў і падарожнікаў скіравала 24 ліпеня сваё пасланне на Дзень турызму, які
будзе адзначацца ва ўсім свеце 27 верасня. У ім нагадваецца, што Касцёл лічыць гэты
Дзень добрай нагодай для дыялогу са светам і прапануе сваю канкрэтную дапамогу ў правядзенні
ініцыятыў, якія адпавядаюць евангельскаму духу. “Гэта таксама добрая падстава для
таго, каб Паўсюдны Касцёл у чарговы раз адчуў важнасць турыстычнага сектару ў кантэксце
эканамічнага і сацыяльнага развіцця грамадстваў і, асабліва, пашырэння новай евангелізацыі”,
- гаворыцца ў пасланні, падпісаным старшынёй Рады, кардыналам Антоніа Марыя Вэльё.
У кантэксце тэмы сёлетняга Дня: “Турызм і энергетычная ўстойлівасць: стымулятары
ўстойлівага развіцця”, Рада нагадвае, што ён гучыць як рэха Сусветнага кангрэсу пастырства
турызма, які праўшоў гэтай вясной у мексіканскім горадзе Канкуна. У сённяшнім пасланні
прыводзяцца дадзеныя, паводле якіх у бягучым годзе колькасць турыстаў у свеце асягне
аднаго мільярда, а да 2030 г. гэтая лічба павінна падвоіцца.
У пасланні нагадваюцца
словы Папы аб неабходнасці развіцця культуры турызму этычным і адказным чынам, які
дапамагае чалавеку пазнаць самаго сябе ў непасрэдным спалучаннні са Стварыцелем. Таму
трэба дапамагаць як прадпрымальнікам, якія працуюць у гэтай сферы, так і самім турыстам,
усведамляць адказнасць за прынятыя рашэнні і стасункі з навакольным асяроддзем. Папская
рада нагадвае аб неабходнасці супрацоўніцтва ўсіх удзельнікаў турыстычнага рынку і
ўсіх звязаных з ім сектараў для асягнення галоўнай мэты, якую дыктуе час – устойлівага
развіцця.