Індыйскія католікі напішуць разважанні на Тыдзень малітваў аб адзінстве хрысціян
Разважанні да наступнага
Тыдня малітваў аб адзінстве хрысціян падрыхтуюць члены Студэнцкага хрысціянскага руху
і Федэрацыі студэнтаў універсітэтаў Індыі. У цэнтры разважанняў будзе асуджэнне каставай
сістэмы, заклік да спынення пераследу хрысціян і дапамогі так званым “недатыкальным”,
большасць з якіх – вызнаўцы Хрыста. Гэтыя тэмы асабліва важныя для Індыі, дзе хрысціяне
складаюць каля 3,5% насельніцтва, але рэлігійная свабода абвешчаная Канстытуцыяй часта
абмяжоўваецца. У гэтым кантэксце Касцёл выконвае вельмі важную ролю: будуе культуру
дыялогу і гармоніі, распавёў індыйскі біскуп Фелікс Махада. “Урад дапамагае ўсім “недатыкальным”,
акрамя хрысціян і мусульман. Мне здаецца, што гэта несправядліва і Касцёл ніколі не
спыніцца са сваімі пратэстамі, бо ў Індыі не існуе прывілеяванай рэлігіі”, - адзначыў
іерарх.