Святы Айцец прызначыў віцэ-камерленга Святога Рымскага Касцёла
22 ліпеня Бэнэдыкт
XVI прызначыў новым віцэ-камерленга Святога Рымскага Касцёла арцыбіскупа Пьера Луіджы
Чэлата, які замяніў на гэтай пасадзе кардынала Сантаса Абрыла і Кастэла, прызначанага
раней архіпрэзбітэрам Папскай базылікі Санта Марыя Маджорэ. Арцыбіскуп Чэлата з 2002
па 2012 г. быў сакратаром Папскай рады па міжрэлігійным дыялогу, а да гэтага, Апостальскім
нунцыем у Турцыі, Туркменістане, Славеніі і Бельгіі. Новы віцэ-камерленга нарадзіўся
ў Італіі ў 1937 г. і атырамаў біскупскае пасвячэнне ў 1986 г. Падчас працы ў ватыканскай
дыкастэрыі займаўся развіццём дыялогу з мусульманамі, а таксама ўзначальваў фонд “Nostra
Aetate”, мэта якога заключаецца ў выдачы стыпендый вернікам розных рэлігій, якія жадаюць
бліжэй пазнаёміцца з хрысціянствам.
Віцэ-камерленга Святога Рымскага Касцёла
здзяйсняе важныя функцыі падчас вакантнасці Пасаду св. Пятра. Ён з’яўляецца паплечнікам
кардынала камерленга, функцыя якога заключаецца ў афіцыйным пацвярджэнні смерці Папы
і запячатанні папскіх апартаментаў да часу абрання новага Пантыфіка. Акрамя таго,
ён нясе адказнасць за падрыхтоўку пахавання. У звычайны перыяд кардынал камерленга
кіруе маёмасцю Касцёла, калі Пантыфік знаходзіцца ў падарожжах. Сёння гэту пасаду
займае кардынал Тарчызіо Бэртонэ.