Tri sulme të reja kundër të krishterëve, në tri shtete të ndryshme, dëshmojnë rritjen
e intolerancës fetare në Indi. Kështu e komentoi kreu i Këshillit Global të të Krishterëve
Indianë, Sajan George, dhunën e ditëve të fundit të ultranacionalistëve hinduistë
në Maharashtra, Karnataka dhe Haryana. Incidenti më i rëndë, në Karnataka, ku një
hinduist, pasi regjistroi ç’thoshte gjatë lutjes me bashkësinë e vet një pastor pentekostal,
thirri fondamentalistë të tjerë, që e rrahën pastorin dhe e tërhoqën zvarrë për një
kilometër deri në stacionin e policisë, ku edhe u arrestua, me akuzën se po kthente
me forcë hinduistët në krishterim. Episodi tjetër, në Maharashtra, ku 10 hinduistë
sulmuan 50 të krishterë, që po këndonin këngë kishtare. Por, kësaj radhe, policia
arrestoi agresorët. Ndërkaq, në një fshat të Haryana, disa hinduistë shembën një kishë
pentekostale në ndërtim e sipër.