Nismë e Kishës Katolike për Lojrat Olimpike në Mbretërinë e Bashkuar
Pak ditë na ndajnë nga edicioni i 30-të i Lojrave Olimpike, që do të zhvillohen në
Londër nga 27 korriku deri më 12 gusht. Pikërisht, një javë nga përurimi, Konferenca
Ipeshkvnore e Anglisë dhe e Uellsit organizon nismën “7 gjëra në 7 ditë”, e cila s’është
tjetër veçse promovimi i shtatë veprimtarive të besimtarëve, ndër të cilat lutja,
mikpritja e vullnetariati. Gjithashtu, gjatë këtyre ditëve, që kanë filluar tashmë,
ka edhe çaste sportive, ose takimi në famulli, në shtëpi e në shkolla. “Mënyra më
praktike e më domethënëse që secili të jetë i dobishëm për Lojrat Olimpike – lexohet
në një notë – është lutja dhe adhurimi i të Shenjtnueshmit Sakrament për të kërkuar
paqen”.