Հայաստանը Լոնտոնի Ողիմպիական Խաղերուն 25 Մասնակիցներ Պիտի Ունենայ ։

Յուլիս 27-ին Լոնտոնի մէջ մեկնարկող Ողիմպիական խաղերուն Հայաստանը պիտի ունենայ 25 մասնակից:Հայաստանի ազգային ողիմպիական կոմիտէի գլխաւոր քարտուղար, Հայաստանի Հանրապետութեան սփորթի եւ երիտասարդութեան հարցերու նախարար Հրաչեայ Ռոստոմեանի խօսքով` ասիկա դրական է, սակայն ոչ բաւարար, քանի որ խաղերուն չի մասնակցիր ըմբշամարտիկ Ռոման Ամոյեանը: «Մենք ունենք ակնկալիքներ, մենք մտածում ենք աւելի լաւ արդիւնք ստանալ, քան Բեգինի օլիմպիական խաղերի ժամանակ»( ըսած է Հրաչեայ Ռոստոմեան):
Հրաչեայ Ռոստոմեան Լոնտոնի մէջ պիտի մասնակցի Հայաստանի Հանրապետութեան Դրօշի բարձրացման արարողութեան, որուն ներկայ պիտի ըլլան նաեւ Անգլիոյ հայ համայնքի ներկայացուցիչները: Հարցումին, թէ որքա՞ն պարգեւավճար պիտի սահմանուի ոսկէ, արծաթ եւ պրոնզէ մետալ նուաճողներուն համար, Հրաչեայ Ռոստոմեան ըսած որ ՀՀ կառավարութեան որոշմամբ ոսկէ մետալ նուաճողը պետութենէն պիտի ստանայ 20 միլիոն դրամ, արծաթն ու պրոնզը համապատասխանաբար 15 միլիոն դրամ եւ 10 միլիոն դրամ:
«Այսքանը միայն կառավարութիւնն է տարամդրելու, իսկ թէ մեր անհատ բարեգործները ոնց կը պարգեւատրեն, դա արդէն յետագայի խնդիր է, բայց մենք բոլորս էլ գիտենք, թէ պարոն Ծառուկեանն ինչքան լաւ է գնահատում ախոյեաններին» ( ըսած է դեռ Հրաչեայ Ռոստոմեան) :