Бэнэдыкт XVI уручыць “Нобелеўскую прэмію у галіне тэалогіі”
20 кастрычніка, падчас
Сінода Біскупаў прысвечанага тэме новай евангелізацыі, Бэнэдыкт XVI уручыць двум тэолагам,
імёны будуць названы пазней, “Прэмію Ратцынгера” – узнагароду, якая носіць імя Пантыфіка
і метафарычна называецца “Нобелеўскай прэміі ў галіне багаслоўя”. “Прэмія Ратцынгера”
уручаецца ўжо другі год запар тым навукоўцам, якія зрабілі найбольшы уклад у развіццё
тэалогіі, а яе заснавальнікам з’яўляецца “Ватыканскі фонд Ёзэфа Ратцынгера – папы
Бэнэдыкта XVI”. У мінулым годзе адбылося першае уручэнне “Прэміі Ратцынгера”. Яе лаўрэатамі
сталі італьянец Манліо Сімонэцці, прафесар старажытнай хрысіцянскай літаратуры, ка.
Олегарыё Ганзалез дэ Кардэдаль з Іспаніі, які напісаў шмат кніг па сістэматычнай тэалогіі,
і кс. Максіміліян Гейм з Германіі, які з 2007 г. з’яўляецца прафесарам фундаментальнай
і дагматычнай тэалогіі ва універсітэце Хайлігенкройц.
У склад навуковага камітэта
які выбірае найбольш адпаведных кандыдатаў на атрыманне прэміі ўваходзяць кардыналы
Каміла Руіні, Тарчызіо Бэртонэ і Анджэла Амата і іншыя іерархі і навукоўцы.
Кардынал
Руіні расказаў, што “Прэмія Ратцынгера”, можа ўручацца некатолікам, тым хто мае вялікія
заслугі ў навуцы ці толькі пачынае сваю кар’еру у галіне тэалогіі, “але ўжо прадэманстраваў
строгасць і любоў да сваёй працы”.