Эканаміст высока ацэньвае фінансавыя рэформы ў Ватыкане
Нямецкі палітолаг
і эканаміст Ральф Ротэ заявіў, што “Святы Пасад на шляху пошукаў фінансавай празрыстасці,
зрабіў вялікую працу”. Звычайна такія працэсы доўжацца ад 10 да 15 гадоў, а Ватыкану
спатрэбілася толькі тры гады для сваіх пераўтварэнняў, заўважыў Ротэ. Праз некалькі
гадоў Святы Пасад можа патрапіць у “белы спіс” краін Арганізацыі эканамічнага супрацоўніцтва
і развіцця, якія адзначаюцца высокім узроўнем процідзеяння легалізацыі злачынных даходаў,
лічыць навуковец, які праводзіць даследаванні ў галіне фінансаў Ватыкана.
Пасля
экспертызы “Moneyval”, трэба каб Апостальская Сталіца не закрылася “у міжнародным
сэнс”, лічыць эканаміст. Ротэ нагадаў, што іншыя малыя краіны, як Сан-Марына або Манака,
нават па прашэсці дзесяцігоддзяў маюць сур’ёзныя праблемы з антэкарупцыйным заканадаўствам.
“Moneyval” прадставіў 18 ліпеня першы даклад па фінансавай сітуацыі Ватыкана. У той
час, як іншыя малыя дзяржавы прайшлі ўжо чацвёрты раўнд ацэнкі.
Нямецкі эканаміст
упэўнены, што арганізацыйныя і тэхнічныя праблемы, вызначаныя міжнароднымі экспертамі,
можна было б “вырашыць досыць хутка”. У наступным раўндзе ацэнкі, на працягу двух-трох
гадоў, Камітэт экспертаў разгледзіць эфектыўнасць рэалізацыі сваіх прапаноў Святым
Пасадам. Пасля чаго, шлях да “белага спісу” будзе адкрыты.
З дакладу, апублікаванага
“Moneyval” у сераду, можна зрабіць выснову, што Апостальская Сталіца і Дзяржава Ватыкан
выканалі 9 з 16 асноўных міжнародных стандартаў фінансавай празрыстасці. Нямецкі эксперт
лічыць, што гэта добры вынік.
Як заявіў учора кс. прэлат Эторэ Балестрэра,
які займаецца справай з боку Святога Пасаду, на дадзеным этапе Апостальская Сталіца
сканцэнтруецца на ліквідацыі недахопаў, згаданых у дакладзе. Гэта адносіцца да кантролю
Ватыканскага Банка, незалежнасці Аддзелу фінансавай інфармацыі і ацэнкі рызык.