Папская рада дапаможа афрыканцам узяць у свае рукі будучыню
20-25 лістапада ў
танзанскім Дар-эс-Салам пройдзе форум на тэму “Вера, культура і развіццё ў Афрыцы”.
У мерапрыемстве прымуць удзел дэлегаты ўсіх біскупскіх канферэнцый краін Афрыкі і
Мадагаскара. Пдным з арганізатараў выступіла Папская рада па культуры. Кардынал Адрыен
Сар, віцэ-старшыня Канферэнцыі Каталіцкіх Біскупаў Афрыкі і Мадагаскара, арцыбіскупа
Дакара, адзначыў, што форум хоча прадэманстраваць, што самі афрыканцы павінны вызначаць
сваю будучыню. “У Афрыцы павінна адбыцца рэвалюцыя, якая дазволіць жыхарам кантыненту
лепш задумацца над сваім лёсам”, - сказаў іерарх і дадаў, што пасля 50 гадоў незалежнасці,
афрыканскі кантынент застаецца ў няволі свайго мінулага.
“Быць незалежным ад
іншых – гэта свядомасць, якую неабходна рэалізаваць. Усё часцей і часцей, асабліва
маладое пакаленне ўсведамляе, што ад яго, а не ад іншых, залежыць разціццё Афрыкі.
Неабходна спрыяць таму, каб гэтая свядомасць пашыралася і перш за ўсё садзейнічала
змене менталітэту, паводзінаў, якія паспрыяюць таму, што жыхары Афрыкі адчуюць адказнасць
за сваё развіццё , у поўным сэнсе гэтага слова”, - лічыць кардынал Сар.
Іерарх
адзначыў, што ўдзельнікі форуму ў Дар-эс-Салам будуць разважаць над тым, як вызначыць
гэтае развіццё і як яго рэалізаваць на практыцы.