Сірыя: католікі працуюць у рамках міжрэлігійнай арганізацыі
Апостальскі вікарый
сірыйскага Алепа Джузепэ Надзара падтрымаў міжрэлігійную ініцыятыву “Мусалаха” (Паяднанне),
якая паўстала ў краіне. “Паяднанне, хоць часам яно і цяжкае для рэалізацыі, адзіны
шлях да вырашэння праблем”, - лічыць каталіцкі іерарх. Паводле яго, гэта трэці шлях
вырашэнння канфлікту ў сірыйскім сцэнарыі, дзе асновай з’яўляецца сумесны дыялог па
палітычных, грамадскіх і рэлігійных пытаннях.
Арцыбіскуп цалкам падтрылівае
ініцыятыву, звяртаючы ўвагу на пазітыўны дух арганізацыі, канчатковай мэтай якой з’яўляецца
выратаванне чалавечага жыцця. Сучасны чалавек у гэтым трагічным канфлікце, які перажывае
сёння Сірыя , павінен памятаць, што жыццё – гэта Божы дар, акрамя таго, ахова жыцця
– гэта праява ў тым ліку веры, прычым, незалежна ад веравызнання іншай асобы.
Арганізацыя
“Масалаха” паўстала з ініцыятывы народа Сірыі, якая перажывае грамадзянскую вайну.
Членамі незалежнага аб’яднання з’яўляюцца людзі розных рэлігій, прафесій, пазіцый
у грамадстве, якія спрабуюць наладзіць дыялог з удзельнікамі канфлікту, заклікаючы
да абароны жыцця, паяднання і братэрства сірыйскага народа. Апошнім часам, дзякуючы
намаганням групы, 60 чалавек, з якіх большасць хрысціян, змаглі пакінуць горад Хомс,
сумна вядомы сваімі самымі кровапралітнымі сутыкненнямі паміж апазіцыяй і ўрадавымі
войскамі. Эвакуацыя людзей стала магчыма дзякуючы двухбаковаму пагадненню паміж прадстаўнікамі
дзяржавы, якія утрымліваюць горад, і ўзброенымі рэвалюцыянерамі.