Прэзідэнт Польшчы
Браніслаў Камароўскі запрасіў Бэнэдыкта XVI у другі раз наведаць краіну. Як паведаміла
Канцэлярыя Прэзідэнта, 12 ліпеня кіраўнік дзяржавы напісаў у Ватыкан, што Польшча
будзе шчаслівая прыняць Папу і “раздзяліць з ім яго радасці і клопаты”. Магчымы тэрмін
візіту не называецца. Па словах Прэзідэнта, палякі з падзякай узгадваюць эмоцыі першага
Пастырскага візіту Бэнэдыкта XVI у 2006 г. У той час, Папа наведаў асабліва важныя
для свайго папярэдніка Яна Паўла II месцы: Кракаў і Вадавіцы. У праграме былі таксама
Варшава, Чэнстахова і канцэнтрацыйны лагер Аўшвіц-Біркенаў.
У кастрычніку 2011
г. Канферэнцыя Біскупаў Польшчы ўжо запрасіла Бэнэдыкта XVI наведаць краіну ў 2015
г. Повадам маглі б стаць урачыстасці хрысціянізацыі краіны. Польшча будзе адзначаць
тады 1050-годдзе хросту князя Мешка. Таксама ідуць размовы аб правядзенні Сусветных
дзён моладзі 2015 г. у Кракаве. Ужо загінуўшы папярэднік Камароўскага Лех Качынскі
ў 2009 г. запрашаў Бэнэдыкта XVI наведаць краіну.