11 ліпеня Бэнэдыкт
XVI прысутнічаў на канцэрце араба-ізраільскага аркестра “Заходне-усходні дыван”, які
выступіў у летняй рэзідэнцыі Рымскіх Пантыфікаў у Кастэль Гандорльфа з нагоды ўспаміну
нябеснага апекуна Папы св. Бэнэдыкта. У праграме канцэрта былі 5 і 6 сімфоніі Людвіга
ван Бетховена. Пасля яго заканчэння Святы Айцец звярнуўся да прысутных музыкантаў
і гасцей з кароткай прамовай, у якой адзначыў, што з вялікай радасцю прыняў аркестр,
які нарадзіўся дзякуючы веры ў тое, што музыка аб’ядноўвае людзей і дапамагае пераўзыйсці
ўсялякія падзелы. “Бо музыка – гэта гармонія адметнасцяў”, - заўважыў Папа. “Ад шматлікасці
тэмбраў розных інструментаў можа нарадзіцца сімфонія. Але гэта не адбываецца дзякуючы
чарадзейству, аўтаматычна! Яна рэалізуецца дзякуючы працы дырыжора і кожнага асобнага
музыканта. Працы цярплівай, складанай, якая патрабуе часу і ахвяры, узаемнага слухання,
пазбягання празмернага вылучэння і аддання перавагі супольнаму гучанню”, - адзначыў
Пантыфік.
Бэнэдыкт XVI прызнаўся, што гаворачы аб музыцы, ён не можа не думаць
аб “вялікай мірнай сімфоніі паміж народамі”, якой спрыяе аркестр “Заходне-усходні
дыван”, што складаецца з музыкантаў юдэйскага, мусульманскага і хрысціянскага веравызнанняў.
Кажучы
аб 5 і 6 сімфоніях Бетховена, Святы Айцец адзначыў, што у іх выражаюцца два важныя
жыццёвыя аспект: драма і мір, барацьба чалавека супраць неспрыяльнага лёсу і супакойваючае
аддаленне ў мірнае асяродзе. Пантыфік адзначыў, што пасланнем гэтай музыкі з’яўляецца
мір, для асягнення якога трэба працаваць, адмаўяючыся ад насілля і зброі, імкнучыся
да ўласнага і супольнага навяртання, шукаючы дыялогу і магчымых сродкаў вырашэння
канфліктаў.