Պենետիկտոս ԺԶ Սրբազան Քահանայապետի Յատուկ Պատուիրակ Կարտինալ Կրոխոլեվսքի-ի Սուրբ
Պատարագը Հայերուն Նուիրուած ։
Լեհաստանի Լոտզ-ի վոյեւոտութեան Սիերատզ քաղաքի Ամենայն Սրբոց անունը կրող տաճարին
կից գործող Կաթողիկէ տան մէջ Յուլիս 8-ին տեղի ունեցած է Սթանիսլաւ Բինտերայի «Հայաստան։
Քարերը կը Վերապրեցնեն Մարդը » լուսանկարներու ցուցահանդէսի բացման հանդիսաւոր արարողութիւնը:Անիկա իրականացած է Լեհաստանի մէջ ՀՀ դեսպան Աշոտ Գալոյեանի եւ Վատիկանի կաթողիկէ Դաստիարակութեան Ժողովի Կառավարիչ Պենետիկտոս ԺԶ.րդի Պատուիրակ, Կարտինալ Զենոն Կրոխոլեվսքի-ի պատուոյ հովանաւորութեան ներքեւ :
Ցուցահանդէսի բացման առիթով Սիերատզ-ի հոյակերտ տաճարին մէջ Հռոմի Քահանայապետի Պատուիրակ Լեհ Կարտինալ Զենոն Կրոխոլեվսքի մատուցած է Սուրբ Պատարագ, որուն քարոզը նուիրուած էր ՝՝հինաւուրց աւանդոյթներ ունեցող քրիստոնեայ հայ ժողովուրդին՝՝:
Կարտինալ Կրոխոլեվսքի , բարձր գնահատելով հայ եկեղեցւոյ եւ հայ ժողովուրդի դերը՝ քրիստոնէութեան տարածման եւ ժամանակակից քաղաքակրթութեան ձեւաւորման գործին մէջ, համոզում յայտնած է քոյր եկեղեցիներու յետագայ մերձեցման հնարաւորութեան վերաբերեալ: Ցուցահանդէսի բացման արարողութենէն ետք տեղի ունեցած է պաշտօնական ընդունելութիւն:
Ցուցահանդէսի հանդիսաւոր բացման ներկայ եղած են նաեւ հոգեւորական դասի այլ բարձրաստիճան անդամներ, Լոտզ-ի Վոյեւոտութեան եւ քաղաքապետութեան մարմիններու ղեկավարներ, Լեհաստանի հայկական համագումար կազմակերպութեան, ինչպէս նաեւ լեհ հաւաքականութեան բազմաթիւ ներկայացուցիչներ:
| All the contents on this site are copyrighted ©. |