10 ліпеня ў Рыме прайшла
пазачарговая нарада Камітэта па ісламска-каталіцкіх сувязях, падчас якой абмяркоўваліся
адносіны паміж прадстаўнікамі двух рэлігій у сённяшнім гістарычным кантэксце. Старшынствавалі
на сустрэчы: з боку Каталіцкага Касцёла – кардынал Жан Луі Таран, старшыня Папскай
рады па міжрэлігійным дыялогу, з мусульманскага – прафесар Хамід бін Ахмад Аль Рыфай,
старшыня Міжнароднага ісламскага форуму для дыялога. Удзельнікі надзвычайнай нарады
дамовіліся правесці наступнае пасяджэнне ў Рыме, у першую нядзелю ліпеня 2013 г. на
тэму “Вернікі перад выклікам матэрыялізма і секулярызма”. У форуме прымуць удзел па
восем чалавек з кожнага боку, – адзначаецца ў спецыяльным паведамленні апублікаванным
11 ліпеня.
Дыялог у рамках Камітэта па ісламска-каталіцкіх адносінах працягваецца
з 1995 г. Яго мэта заключаецца ў тым, каб знайсці супольныя аспекты ў адносінах з
сучасным светам і паміж прадстаўнікамі двух рэлігій.