Notë e Selisë së Shenjtë ndaj shugurimit ipeshkvnor të paligjshëm në Kinë.
Selia e Shenjtë dënon, përmes një note zyrtare, shugurimin ipeshkvnor të paligjshëm
të atë Jozef Yue Fusheng, bërë në Harbin, në Kinë, më 6 korrikun e kaluar. Me Shuguruarin
e tij ipeshkvnor pa mandat papnor, atë Yue Fusheng bie vetvetiu në shkishërim, siç
parashikon Kodi i së Drjetës Kanonike Kishtare. Në njëjtën kohë, Selia e Shenjtë shpreh
vlerësimin për të gjithë kinezët që janë lutur për pendimin dhe kthimin në rrugë të
mbarë të kandidatit e shpreh besimin në një dialog konkret të autoriteteve qeveritare
kineze. “Selia e Shenjtë nuk e njeh atë Yue Fusheng si ipeshkëv administrator apostolik
të Harbinit, e ai është i privuar nga autoriteti i qeverisjes së meshtarëve dhe i
bashkësisë katolike në provincën e Heilongjiangut”, lexohet në notë të Vatikanit.
Aq më tepër që kandidati në fjalë “qe informuar me kohë që nuk do të kishte fituar
miratimin e Selisë së Shenjtë si kandidat ipeshkvnor, e mase disa herë i është bërë
kërkesa të mos e pranonte shugurimin ipeshkvnor pa mandatin apostolik”. Nota zyrtare,
më tej, kujton se edhe “ipeshkvijtë, që kanë marrë pjesë në shugurimin e paligjshëm
ipeshkvnor i parashtrohet sanksioneve sipas ligjeve të Kishës, e duhet t’i referojnë
Selisë së Shenjtë lidhur me pjesëmarrjen e tyre në ceremoninë fetare”.