Манголія адзначае 20-годдзе дзейнасці каталіцкіх структур
10-11 ліпеня у Манголіі
будзе адзначацца 20-годдзе дзейнасці структур Каталіцкага Касцёла. Ва ўрачыстых мерапрыемствах
прымуць удзел госці з некаторых бліжэйшых краін, а таксама з Ватыкана. Апостальскую
Сталіцу на святкаванні будзе прадстаўляць арцыбіскуп Савіа Хон Тайфай, сакратар Кангрэгацыі
Евангелізацыі Народаў. Першая каталіцкая місія ў Манголіі пачала дзейнічаць у 1992
г. Яе узначальваў тагачасны Апостальскі нунцый у Паўднёвай Карэі арцыбіскуп Вэнчэслао
Падзіла, які сёння з’яўляецца Апостальскім прэфектам ва Улан-Батары. Ён прыбыў у Манголію,
разам з двума паплечнікамі з кангрэгацыі Беззаганнага Сэрца Марыі. Сёння тут працуе
64 місіянеры з 18 краін свету: сярод іх члены 9 манаскіх кангрэгацый, а таксама дыяцэзіяльныя
святары. Кольскасць вернікаў у Манголіі перавышае 400 чалавек.
Падводзячы вынікі
дваццацігадовай працы арцыбіскуп Падзіла адзначыў, што нягледзячы на дасягнутыя поспехі
ў евангелізацыі, неабходна працягваць спрыяць развіццю мясцовай каталіцкай супольнасці:
дапамагаць у распазнанні пакліканняў і праводзіць шырокую душпастырскую дзейнасць.
На сённяшні дзень у Манголіі дзейнічае 4 каталіцкія парафіі, адна з якіх знаходзіцца
не ў сталіцы, але ў другім, па колькасці насельніцтва, горадзе Дархан. Акрамя таго
існуюць каталіцкія школы для бедных, тэхнічны цэнтр для моладзі, ў якім можна атрымаць
прафесійную спецыяльнасць. З нагоды 20-годдзя дзейнасці Каталіцкіх будзе адкрыта бальніца
для бедных у перыфірыйным раёне Улан-Батара.