Старшыня Папскай рады
пастырства эмігрантаў і падарожнікаў арцыбіскуп Антоніо Марыя Вэльё скіраваў пасланне
з нагоды Дня апостальства людзей мора, які адзначаецца 8 ліпеня. У пасланні іерарх
адзначыў, што сёння каля 90% сусветнага гандлю праходзіць па моры. Пабудова новых
партоў далёка ад гораду робіць тое, што праца маракоў становіцца ўсё часцей нябачнай
для грамадства. “Аднак маракі і іх сем’і не ёсць нябачнымі для Бога і Касцёла. Апостальства
людзей людзей мора прызнае іх цяжкую працу, іх праблемы і пакуты праз пастырскі клопат,
які ахвяроўваюць капэланы і добраахвотнікі”, - адзначыў арцыбіскуп Вэльё. Старшыня
ватыканскай дыкастэрыі падкрэсліў, што маракі часта працуюць у вельмі небяспечных
абставінах, часта стаюць аб’ектам нападаў з боку піратаў і арганізаванай злачыннасці.
“Дзякуючы
“Марской Нядзелі”, якую адзначаем штогоду, я спадзяюся, што нашы хрысціянскія супольнасці
і грамадства ў цэлым, прызнаюць людзей мора за тыя чалавечыя істоты, якія спрыяюць
таму, што нашае жыццё становіцца ўсё больш камфортным”, - адзначыў іерарх. На заканчэнне
паслання арцыбіскуп Вэльё запрасіў людзей мора прыняць удзел у ХХІІІ Сусветным Кангрэсе
Апостальства людзей мора, які пройдзе 19-23 лістапада 2012 г у Ватыкане на тэму: “Новая
евангелізацыя ў свеце людзей мора”. “У гэтыя дні мы збярэмся разам з біскупамі-прамоўтэрамі,
капэланамі і валанцёрамі, каб паразважаць над выклікамі, якія асяроддзе людзей мора
ставіць для душпастыраў”, - адзначыў у сваім пасланні арцыбіскуп Вэльё.