“L’Osservatore Romano” аб парадоксах гуманітарных войнаў
Войны ХХ і ХХІ стт.
– гэта ў большасці войны грамадзянскі, падчас якіх цывільнае насельніцтва не з’яўляецца
ўжо пасіўным элементам канфліктаў, піша на сваіх старонках сённяшняя “L’Osservatore
Romano”. Газета падкрэслівае, што з часам гэтыя войны стварылі новы феномен, так званых
гуманітарных войнаў, вытокі якіх сягаюць старой практыкі выбару меншага зла. “На сённяшні
дзень памеры гуманітарнай інтэрвенцый і мілітарызацыя правоў чалавека прывялі да кацэпцыі
легітымнага насілля”, - адзначае выданне. Так адбывалася падчас канфлікту ў Газе,
дзе забароненая дзейнасць стала законнай, калі прымалася вялікай колькасцю краін.
Ватыканская газета адзначае, што гэтая і іншыя канцэпцыі апісаны ў кнізе Карла
Джэна: “Гуманітарныя войны. Мілітарызацыя правоў чалавека”, у якой войны аналізуюцца
на фізіялагічным узроўні. “Osservatore” нагадвае, што пачатыя як грамадзянскія, яны
ператвараюцца ў гуманітарныя, калі слабейшы бок здольны запэўніць сабе падтрымку міжнароднай
супольнасці. “Так мусульмане Босніі і Герцагавіны і албанцы Косава былі выратаваны
ад сербскага прыгнёту”, - адзначае газета. Аднак, дзеля гэтага было выкарыстана шмат
пастак, правакацый, падману для апраўдання сябе як нявінных ахвяр, і прадстаўлення
тых, хто выключна паддаўся на правакацыі і праявіў неадэкватную рэакцыю, як злачынцаў.
“Osservatore”
нагадвае, што менавіта падчас гуманітарных канфліктах, у якіх ні адзін з ваюючых бакоў
не прызнае несправядлівасці сваёй вайны, выступіла новая з’ява – заложнікі. Шмат разоў
дзяцей выкарыстоўвалі для таго, каб аўтобусы з ваеннымі не абстрэльваліся апанентамі.
“Пекла выбрукаванае добрымі намерамі, здаецца ўсё больш і больш рэальным”, - заключае
“L’Osservatore Romano”.