பாதரசப் பயன்பாட்டைக் குறைப்பதற்கு முயற்சி

ஜூலை03,2012. மனிதரின் நலவாழ்வுக்குப் பெரும் ஆபத்தாக இருக்கும் பாதரசத்தின் பயன்பாட்டைக் குறைப்பதற்கு உலக அளவில் உடன்படிக்கை ஒன்று கொண்டுவரப்படுவதற்கு 500க்கும் மேற்பட்ட அரசு மற்றும் பொது நிறுவனங்கள் முயற்சித்து வருகின்றன.
உருகுவாய் நாட்டின் Punta del Este வில் ஐ.நா.வின் ஆதரவுடன் 6 நாள் கூட்டம் நடத்தி வரும் இந்நிறுவனங்கள், தங்கச் சுரங்கங்களிலும் மற்ற தொழில்நுட்பங்களிலும் பாதரசம் பயன்படுத்தப்படுவதைக் குறைப்பதற்கு நடைமுறை வழிகாட்டிகளை உருவாக்குவதற்கு முயற்சித்து வருகின்றன.
அண்மை நிதிநெருக்கடிகளின் மத்தியிலும் தங்கத்தின் மதிப்பு அதிகரித்துள்ளவேளை, உலகில் 70க்கும் மேற்பட்ட நாடுகளில் 1 கோடியே 20 இலட்சம் முதல் 1 கோடியே 50 இலட்சம் பேர் வரை தங்கத்தைப் பரித்து எடுக்கும் ஆபத்தான பணியில் ஈடுபட்டுள்ளனர்.