Եւրոպական Խորհուրդի Նախագահ Հերման Վան Ռոմբոյ-ի Հայաստան Այցելութիւնը։
Եւրոպական խորհուրդի նախագահ Հերման Վան Ռոմբոյը Յուլիս 3-5 պաշտօնական այցով կը գտնուի
Հարաւկովկասեան տարածաշրջան: Այցը կը սկսի Հայաստանէն Յուլիս 3-4 եւ պիտի շարունակուի
Վրաստանի ու Ատրպէյճանի մէջ։ Այս մասին կը տեղեկանանք Հայաստանի մէջ Եւրոպական պատուիրակութեան
պաշտօնական կայքէն: Հերման Վան Ռոմբոյ հանդիպումներ կ՝ունենայ ՀՀ նախագահ Սերժ Սարգսեանի
եւ Ազգային ժողովի նախագահ Յովիկ Աբրահամեանի հետ, ԱԺ մէկ դահլիճին մէջ ողջոյնի խօսք
պիտի ուղղէ Ազգային Ժողովի պատգամաւորներուն: ԱԺ նիստերու դահլիճին մէջ` պատգամաւորական
հատուածին համար նախատեսուած ելոյթէն ետք՝ իւրաքանչիւր խմբակցութեան հնարաւորութիւն պիտի
տրուի ԵՄ նախագահին ուղղելու մէկական հարցում : Նախագահ Ռոմբոյը նաեւ բացման խօսքով
հանդէս պիտի գայ «Հայաստանը Եւրոպայի մէջ» քաղաքացիական հասարակութեան ֆորումին :
Այցին
ընթացքին նախատեսուած է նաեւ այցելութիւն Ազգային պատկերասրահէն ներս ներկայիս ընթացող
«Երեւանը` Գրքի Հհամաշխարհային Մայրաքաղաք» եւ «Հայկական Տպագիր Գրքի 500-ամեակ» ՈՒՆԵՍՔՕ-ի
ցուցահանդէսներուն: Այնուհետեւ ան կարճատեւ այց պիտի կատարէ Զուարթնոցի Տաճար: Հանդիպումներուն
ընթացքին Վան Ռոմբոյ զրուցակիցներուն հետ պիտի քննարկէ ՝՝Հայաստան-ԵՄ՝՝ յարաբերութիւններուն,
քաղաքական ներքին իրավիճակին,եւ տարածաշրջանին հայող , ինչպէս նաեւ երկուստէք հետաքրքրող
այլ հարցեր:
Վան Ռոմբոյ եւ Սերժ Սարգսեան պիտի իրականացնեն Համատեղ Մամուլի Ասուլիս: Նշենք,
որ Եւրոպական խորհուրդի նախագահ Ն.Գ. Հերման Վան Ռոմբոյը նախագահ Սերժ Սարգսեանի հիւրն
է: