Генеральныя сакратары еўрапейскіх епіскапатаў сабраліся ў Эдынбургу

У сталіцы Шатландыі Эдынбургу 29 чэрвеня – 2 ліпеня праходзіць 40-я сустрэча сакратароў Біскупскіх канферэнцый Еўропы. За тры месяцы да адкрыцця Сінода Біскупаў па новай евангелізацыі іерархі паразважаюць аб сведчанні веры ў свеце палітыкі, культуры, права і грамадскай думкі. Аб шатландскай спецыфіцы ў гэтых галінах раскажа прафесар Джон Халдэн з Універсітэта св. Андрэя ў Эдынбургу. У агульнаеўрапейскім масштабе іх прадставіць кс. прэлат Пётр Мазуркевіч, генеральны сакратар Камісіі Епіскапатаў Еўрапейскай Супольнасці і кс. прэлат Альда Джардана, пастаянны назіральнік Апостальскай Сталіцы пры Савеце Еўропы. Аб сітуацыі ў Амерыцы распавядзе кс. прэлат Роні Енкінс, генеральны сакратар Канферэнцыі Біскупаў ЗША.

Генсек швейцарскага епіскапату Эрвін Танэр пазнаёміць удзельнікаў форума з вынікамі даследвання, праведзенага сярод еўрапейскіх епіскапатаў адносна сістэм фінансавання Касцёла. 1 ліпеня іерархі прымуць удзел у св. Імшы ў архікатэдральным касцёле Эдынбурга, якую ўзначаліць мясцовы арцыбіскуп кардынал Кэйт О’Браен.

Усе дыскусіі будуць абывацца “за зачыненымі дзвярыма”. Аб іх выніках можна будзе даведацца са спецыяльнага паведамлення, апублікаванага пасля заканчэння форума.