«Տպագրութիւնը Իբրեւ Երկխօսութեան Միջոց»

ՇԸՐՄԸՆ ՕՔՍ.- Կազմակերպութեամբ «Արփա» հիմնարկին, Ուրբաթ, 29 Յունիսին, երեկոյեան դոկտ. Փիթըր Քաուի պիտի ներկայացնէ հայ ժողովուրդի կեանքին մէջ տպագրութեան դերակատարութեան նուիրուած դասախօսութիւն մը՝ «Տպագրութիւնը իբրեւ 17-18րդ դարերու Սփիւռքի եւ հայկական բարձրաւանդակի միջեւ երկխօսութեան միջոց» խորագիրով: Դոկտ. Փիթըր Քաուի վարիչն է Քալիֆորնիոյ համալսարանի Լոս Անճելըսի մասնաճիւղին մէջ գործող Նարեկացիի անուան հայագիտութեան ծրագիրին: Դասախօսական սոյն ձեռնարկը տեղի պիտի ունենայ «Մերտինեան» վարժարանի սրահին մէջ։