Бэнэдыкт XVI прыняў рашэнні па кананізацыйных і беатыфікацыйных справах
28 чэрвеня Бэнэдыкт
XVI падчас аўдыенцыі для кардынала Анджэла Амата, прэфекта Кангрэгацыі па справах
Кананізацыі, зацвердзіў дэкрэты, якія датычаць прызнання цудаў, мучаніцтва і гераічнасці
цнотаў 22 кандыдатаў на алтары. Такім чынам зацверджаны цуды, здзейсненыя праз пасрэдніцтва
Слугаў Божых кс. Лукі Пассі, італьянскага святара і бразільскай свецкай верніцы Франчэскі
Дэ Паола Дэ Хэсус. Аркамя таго, будуць апублікаваны дэкрэты аб прызнанні факта мучаніцкай
смерці Слугаў Божых біскупа Эмануэля Борраса Фэррэ з Іспаніі, італьянскага святара
кс. Джузэппэ Пуглізі, іспанскага законніка Эрменэгільда Іза і Арэгіта і пяці яго паплечнікаў,
іспанскай законніцы Вікторыі ад Езуса і двух індыйскіх свецкіх вернікаў Дэвасахаяма
Пілая і Арала Курусады.
Таксама Папа зацвердзіў дэкрэты аб гераічных цнотах
Слугаў Божых кардынала Сікста Рыарыя Сфорцы з Італіі, амерыканскага арцыбіскупа Фултана
Шына, іспанскага біскупа Альвара дэль Порціло і Дыез дэ Салана, галандскага святара
кс. Людовіка Ційсэна, іспанскага святара Хрыстафора ад св. Кацярыны, канадскай законніцы
Марыі ад Святога Сэрца, ірландскай законніцы Марыі Ангеліны Тэрэзы, венгерскай законніцы
сястры Марыі Маргарыты і італьянскай законніцы сястры Фердынанды Рывы.
Адзначаецца,
што яшчэ 10 мая Святы Айцец зацвердзіў дэкрэт аб мучаніцтве Слугі Божага кс. Джаванні
Угуэта і Кардона, іспанскага святара.