Гары Круп, амерыкаснкі
яўрэй з Нью Ёрку, заснавальнік арганізацыі, якая садзейнічае збліжэнню паміж рэлігіямі
свету, стаў у абарону папы Пія ХІІ. Менавіта гэтага Пантыфіка многія яўрэі абвінавачваюць
ў тым, што не абараняў іх падчас ІІ Сусветнай вайны. Круп, у інтэрв’ю агенцтву “Zenit”,
паведаміў, што сабраў вялікую колькасць дакументаў, якія сведчаць аб тым, што Пій
ХІІ падчас і пасля ІІ Сусветнай вайны зрабіў усё, што было ў яго сілах для абароны
яўрэяў. Даследчык адзначыў, што яго арганізацыя адшукала дакументы, якія сведчаць
аб тым, што ў 1939 г. кардынал Пачэлі, будучы папа Пій ХІІ, напісаў ліст да ўладаў
ІІІ Рэйха з просьбай даць выяздныя візы 200 тыс. яўрэяў, якія засталіся ў Германіі
пасля так званай “Крышталовай Ночы”. “Яму не ўдалося атрымаць гэтых візаў, але ён
стараўся, чаго не зрабілі, напрыклад, Вашынгтон або Лондан”, - адзначыў Круп і дадаў,
што шматлікія іншыя аднойдзеныя ім дакуметы сведчаць аб імкненні Папы ратаваць яўрэяў.
Паводле Крупа, “Чорную легенду” пра Пія ХІІ стварыла савецкая прапаганда і тэатральны
спектакль “Вікарый” у канцы 1950-х гадоў. “Чорная легенда далей распаўсюджваецца ў
свеце, таксама ў амерыканскіх універсітэтах, нягледзячы на гістарычныя дакументы,
якія яе абвяргаюць”, - з вялікім абурэннем сказаў Круп і дадаў, што таксама многія
яўрэі Рыма з’яўляюцца прыхільнікамі гэтай легенды. “Гэта грэх – грэх для яўрэяў”,
- заявіў Круп, патлумачыўшы, што не можна зневажаць таго, хто выратаваў табе жыццё.